ОРТАЛЫҚ АЗИЯНЫҢ АЛДЫНДАҒЫ БАСТЫ СЫН-ҚАТЕР
Орталық Азия адамзат баласы көп шоғырлануға қолайсыз аймақ ретінде түрлі сала мамандарының пікірлерінде айтылып жүр. Соған қарамастан Орталық Азия халқының саны 2024 жылы 82 млнға жақындады. 2050 жыл аймақта 100 млн тұрғын болады деп болжануда. Халық санының өсуі оның үстіне орта жас мөлшері 26,5 жас болуы қуантарлық жағдай болғанымен, осы халықты сумен қамту ең негізгі қиыншылық болмақ. Қазіргі 82 млнның үштен бірі, яғни аймақтың 27 млн тұрғыны, қазірдің өзінде қауіпсіз ауыз суға тұрақты қол жеткізе алмайтын деңгейде.